Harry Potter bókar vel gætt

Sjötta bókin um galdrastrákinn Harry Potter er komin til landsins og hefst sala á henni í þremur verslunum klukkan eina mínútu yfir tólf í kvöld. Bækurnar eru geymdar í lokuðum kössum og þess er vel gætt að efni þeirra leki ekki út. "Það er stranglega bannað að snerta við bókunum," segir Óttar Proppé, deildarstjóri erlendra bóka í Pennanum. "Allir sem snerta á bókunum hafa skrifað undir lögfræðiskjöl um meðferð bókarinnar. Það á því að vera tryggt að enginn opni bókina fyrr en eftir miðnætti."