Cessna í vandræðum á Flúðum

Eins hreyfils Cessnu flugvél hlekktist á við lendingu á flugvellinum á Flúðum í morgun. Annar vængendinn rakst í flugbrautina með þeim afleiðingum að hún endaði flugbrautar á brautarenda. Flugmaðurinn var einn um borð og sakaði hann ekki. Samkvæmt tilkynningu frá Flugmálastjórn urðu litlar skemmdir á flugvélinni. Flugvellinum á Flúðum var lokað eftir óhappið og verður hann opnaður síðar í dag þegar Rannsóknarnefnd flugslysa hefur lokið vettvangsrannsókn. Flugvélin fór frá Reykjavík klukkan rúmlega sjö í morgun og áætlaði að lenda aftur í Reykjavík klukkan hálf tíu.