Mótmæltu aðför að Hans Markúsi

Um tvö hundruð sóknarbörn mættu á fund í gærkvöld til stuðnings séra Hansi Markúss Árnasyni, sóknarpresti í Garðasókn að sögn Sveins Andra Sveinssonar, lögmanns hans. Fundurinn stóð í tæpa tvo tíma og var á honum samþykkt samhljóða ályktun til stuðnings sóknarprestinum. "Það voru þrjú efni sem tekin voru fyrir á fundinum," segir Sveinn Andri. "Á honum var mótmælt aðför hluta sóknarnefndar og hluta starfsmann að sóknarpresti, enda er mikið ánægja með hans störf. Þá var þeim tilmælum beint til dóms- og kirkjumálaráðherra að hafnað alfarið öllum tillögum um flutning hans í starfi, enda hvorki lagalegar né efnislegar forsendur fyrir því. Að lokum var síðan þeirri áskorun beint til sóknarnefndar að halda aðalsafnaðarfund sem fyrst til að lýðræðisleg umræða gæti farið fram um þetta mál."