202 kærðir fyrir hraðakstur

Samkvæmt fréttavef lögreglunnar voru 202 ökumenn kærðir fyrir of hraðan akstur í síðustu viku. Nú stendur yfir sérstakt umferðareftirlit á vegum ríkislögreglustjóra sem hófst 28. júní síðastliðinn. Fyrstu vikuna voru 247 ökumenn kærðir fyrir of hraðan akstur.  Auk þeirra 202 sem voru kærðir fyrir of hraðan akstur voru tveir ökumenn grunaðir um ölvun við akstur, tvær kærur voru vegna vanrækslu á notkun öryggisbelta og kærur vegna annarra umferðarlagabrota voru 17. Hert umferðarlöggæsla á þjóðvegum landsins er alla daga vikunnar og mun henni áframhaldið til 1. október nk.