Stuðningsfundur í Garðasókn

Stuðningsmenn og velunnarar séra Hans Markúsar Hafsteinssonar sóknarprests í Garðaprestakalli halda stuðningsfund í kvöld í Hofsstaðaskóla í Garðabæ. Sveinn Andri Sveinsson lögmaður mun mæta á fundinn og svara spurningum sem varða deilurnar í Garðasókn sem staðið hafa lengi yfir. Séra Hans Markús hefur stefnt biskupi Íslands og aðilum tengdum Garðasókn, en hann fer fram á að úrskurði áfrýjunarnefndar Þjóðkirkjunnar verði hnekkt, þar sem honum var gert að færa sig til í starfi.