Maður slasast í Esjugöngu

Björgunarsveit og neyðarsveit frá Slökkviliðinu voru kallaðar út í gærkvöld til að leita að rosknum manni sem saknað var í hlíðum Esjunnar. Áður en skipuleg leit hófst, fann kona manninn skammt frá bílastæðunum neðan við aðal uppgönguleiðina í Kollafirði. Hann hafði dottið og meiðst á höfði, og vankast við það. Hann gat ekki getað látið vita af sér þar sem hann hafði ekki farsíma. Maðurinn var fluttur með sjúkrabíl á Slysadeild Landspítalans, en mun ekki vera alvarlega slasaður.