Verð á íbúðarhúsnæði fer lækkandi

Vísbendingar eru um að íbúðarhúsnæði sé hætt að hækka í verði og hafi jafnvel lækkað lítillega síðustu daga, að mati Greiningardeildar Íslandsbanka. Deildin byggir þetta á gögnum frá Fasteignamati Ríkisins þar sem fram komi að verð á íbúðum í fjölbýli hafi hækkað mjög lítið síðustu dagana og lækkað um nokkur prósent í sérbýli á sama tímabili. Bent er á að lítill fjöldi viðoskipta liggi að baki þessum upplýsingum, en telja verði afar líklegt að raunverð íbúða muni lækka þegar horft er til næstu ára.