Hvernig á að ná keppnistani

Egill Gilzenegger heldur áfram pistlaskrifum sínum í Fókus, sem fylgir DV í dag. Þessa vikuna tekur hann fyrir hvernig best er að ná sér í svokallað keppnistan, sólbrúnku sem gerir það að verkum að dyraverðir skemmtistaða fleygja þér inn, ekki út. Sæælar! Það eru flestir sammála um það að það þyki flott að vera vel tannaður. Það getur breytt fólki fáránlega, ófríðir gæjar sem tanna sig í drasl geta bara allt í einu litið ágætlega út. Einnig er þetta talið hraustleikamerki og er þar af leiðandi gríðarlega eftirsóknavert. Ég gerði tilraun um daginn. Tók söngvarann í dauðarokkshljómsveitinni Changer í nett brúnkuprógramm. Það var erfitt að finna hvítari mann en hann. Ég efa það stórlega að hann hafi nokkurn tímann stigið út fyrir hússins dyr, örugglega aldrei séð sólina. Þetta var orðið capital-vandamál hjá stráknum. Einu skemmtistaðirnir sem vildu hleypa honum inn voru Sirkus og Kaffibarinn. Hann reyndi að komast inn á Hverfisbarinn en Skúli dyravörður snéri hann niður, sagði honum að drulla sér í ljós og snáfa í burtu. Og athyglin frá kvenþjóðinni var eftir þessu. Eftir að ég var búin að taka hann í gegn þá sendi ég hann aftur í röðina á Hverfiz. Ekki nóg með það að Skúli hleypti honum strax inn heldur var klipið í rassinn á honum sjö sinnum á leiðinni á barinn! Það er meira af rassaklípingum en hann hafði fengið allt sitt líf. Þið sjáið hvað þetta er gríðarlega mikilvægt. Hérna er hefðbundið byrjunarprógramm hjá okkur köppunum:06:30 Farið í gymmið. Tekið helst Pectorial og Bicep-action og síðan farið beint í gufu. Lágmark 45 mínútna gufa til að opna húðina og undirbúa hana fyrir daginn. 12:00 Reyna að nota matartímann og skella sér í einn túrbó. Alls ekki fara í sturtu eftir þennan tíma. Það er mjög mikilvægt fyrir húðina og D-vítamín framleiðsluna. 18:00 Eftir vinnu eða skóla farið beint í 15 mínútna gufu. Stigið úr gufunni, girt niðrum sig og hoppað í ljósabekkinn. Hér er farið í 40 mínútna ljósatíma, ekki mínútu styttra en það. 18:45 Í gufuna í 7 mínútur. Stigið úr gufunni, teknar 150 magaæfingar og beint í heita pottinn. Afganginn af pistli Egils Gilzenegger, þar sem prógrammið nær fyrst flugi, má lesa í Fókus, sem fylgir DV í dag. Þar er auðvitað af nógu að taka, nokkrir ungir elskendur spjalla um getnaðarvarnir og kynlífið, Strákunum á Stöð 2 var fylgt í einn dag og úr varð sprenghlægileg myndasaga, fjallað er um heitasta bandið í Bretlandi, Bloc Party, og farið í saumana á nýjustu gæðamyndunum í bíó, Closer og Ray.Tékkið líka á síðasta pistli Gilzeneggers, Treflar! Það er gott að vera hnakki og heimasíðunni hans, kallarnir.is.