Síðasti veturinn á íslandi

Tökur á nýrri kvikmynd frá leikstjóranum Larry Fessenden munu fara fram á Íslandi. Fessenden er mikilsmetinn leikstjóri af aðdáendum indie-hryllingsmynda og hefur honum meðal annars verið líkt við leikstjórann M. Night Shyamalan. Hann hefur einnig leikið sjálfur í nokkrum myndum og þar á meðal Bringing Out The Dead og Hamlet. "Ástæðan fyrir því að myndin er tekin upp hérlendis er sú að hún á að gerast á Alaska og þeir leituðu lengi að landslagi sem væri hentugt og fundu þar hér," segir Skúli Malnquist annar eigenda Zik Zak kvikmynda sem framleiða myndina. Aðspurður hvort eitthvað verði um fræga leikara í myndinni tekur hann fram að myndin sé ekki týpísk Hollywood mynd og að sá eini sem fólk gæti kannast við sé Ron Perlman en hann hefur meðal annars leikið í myndum eins og Hellboy, Name Of The Rose, City Of Lost Children, Enemy At The Gates, Alien Resurrection, Quest For Fire og Star Trek: Nemesis. Myndin er einskonar indie spennutryllir og fjallar um hóp vísindamanna sem ferðast til Alaska í leit að olíuuppsprettum. Veðráttan á snævi þöktu landinu fer að gera fólkinu lífið leitt og endar með því að flugvél brotlendir á dularfullan hátt. Tveir menn fara að leita að hjálp en á leið sinni fer þeim að líða illa og eru ekki vissir hvort að hjörð af ósýnilegum draugum séu að herja á þá eða hvort þeir séu að verða geðveikir. Hvað sem það er sem kemur fyrir þá á leiðinni þá snúa þeir aldrei aftur. Að sögn skúla mun enginn íslenskur leikari leika í myndinni en allt starfsfólk fyrir utan leikstjóra er íslenskt. Tökur fara fram bæði á Mývatni og í stúdíói í Reykjavík og hefjast þær þann 6. mars næstkomandi. "Enginn íslenskur leikari mun leika í myndinni en allt starfsfólk fyrir utan leikstjóra er íslenskt. Tökur fara fram bæði á Mývatni og í stúdíói í Reykjavík og hefjast þær þann 6. mars."