Ríkið á í 200 fyrirtækjum

Ríkið á eignarhlut í rétt um 200 hlutafélögum og einkahlutafélögum. Ríkissjóður átti í 24 fyrirtækjum 1. desember. Ríkisstofnanir í A-hluta eiga frá 0,9 prósent til 100% í 29 fyrirtæjum. Fyrirtæki Byggðastofnunar eru 78 og Nýsköpunarsjóður atvinnulífsins á 64. Ellefu voru í eigu annarra ríkisfyrirtækja. Sigurður Kári Kristjánsson, þingmaður Sjálfstæðisflokks, segir ríkið of fyrirferðarmikið í íslensku atvinnulífi. Sameina eigi Byggðastofnun og Nýsköpunarsjóðs atvinnulífsins. Sjóðirnir fjárfesti í of líkum fyrirtækjum, jafnvel þeim sömu. Mesta athygli hefði þó 20 prósenta hlutur ÁTVR í Endurvinnslunni vakið í svörum fjármálaráðherra um eignaumfang ríkisins í hlutafélögum og einkahlutafélögum. Hann segir niðurstöðuna fyrirpurnarinnar hafa komið sér á óvart. "Ríkið á hlut í félögum sem reka baðhús, hótel, fiskeldi, endurvinnslu, flugþjónustu, saumastofur, upplýsinga- og tæknifyrirtæki. Ríkið á einnig hlut í félagi sem á í sjávarútvegi og öðru sem rekur bakarí," segir Sigurður. Hann óski skýringa á því hvers vegna ríkið hafi verið svo stórtækt í fyrirtækjafjárfestingum. Pétur Blöndal, formaður efnahags- og viðskiptanefndar Alþingis, segir eign ríkisins í samkeppnisfyrirtækjum vera ósið. Eiga þess í mörgum fyrirtækjanna s.s. Flugskóla Íslands, sé fráleidd. Eins sé með eigu ríkissins í fjölda hótela. Verið sé að veita dulbúna styrki: "Menn þurfa að vera agaðir. Þeir eiga ekki að beita ríkisfjármálum á þennan hátt." Ögmundur Jónasson, sem situr fyrir Vinstrihreyfinguna-grænt framboð í efnahags- og viðskiptanefnd, segir menn almennt sammála um að eiga ríkisins í til dæmis hótelum á landsbyggðinni sé ekki keppikefli þess. "En hvernig er þetta til komið? Er það vegna þess að þessum hótelum og fyrirtækjum var veitt aðstoð til að koma í veg fyrir atvinnuhrun," spyr Ögmundur. Slík fyrirtæki lúti öðrum lögmálum en stórfyrirtæki í eigu ríkisins, því þau litlu megi selja skapist til þess tækifæri. Dæmi um fyrirtæki í eigu ríkisinsRíkissjóðurEignarhluti- Baðfélag Mývatnssveitar54,0 % - Barri hf.22,4 % - Endurvinnslan (auk ÁTVR sem á 20,0%)17,8 % - Flugskóli Íslands42,2 % - Flugstöð Leifs Eiríkssonar100,0 % - Geca hf.12,8 % Stofnanir í A-hlutaEignarhluti- Eignarhaldsfélag Verðbréfaþings0,9 % - Fiskeldi Eyjafjarðar hf.9,1 % - Internet Íslandi ehf.0,6 % - Spölur ehf.11,6 % ByggðastofnunEignarhluti- Baðfélag Mývatnssveitar23,5 % - Dalagisting16,3 % [auk eignarhluta í fjölda hótela]  Nýsköpunarsjóður atvinnulífsinsEignarhluti- Frumkvöðlasetur Austurlands13,0 % - Geca hf.33,0 %