Dýratilraunum mótmælt

„Við erum að mótmæla dýratilraunum á Íslandi," segir Tryggvi Guðmundsson dýravinur sem stóð að mótmælum á Lækjartorgi í gær. Tryggvi er félagi í nýstofnuðum samtökum sem heita Raddir málleysingjanna og berjast fyrir betri meðferð dýra og gegn tilraunum á þeim. Nýlegar fréttir af kaupum Tilraunastöðvar Háskóla Íslands í meinafræði að Keldum á fjögur þúsund músa til tilrauna var tilefni mótmælanna í gær. „Það eru til betri leiðir til rannsókna og tilrauna en að nota að dýr. Þetta er frekar forn máti," sagði Tryggvi og lagði áherslu á að mótmælin væru friðsamleg.