Fullkominn herramaður

Justin Timberlake er hinn fullkomni herramaður samkvæmt leikkonunni Olivia Wilde sem leikur með honum í myndinni Alpha Dog. Poppstjarnan bað Wilde fyrirgefningar eftir kossaatriði í myndinni. "Hann er svo sætur. Ég fékk að kyssa hann og það var hápunktur lífs míns! Þetta var mjög saklaust og hann bað mig þrisvar sinnum afsökunar eftir á. Leikstjórinn bað Justin um að kyssa mig óvænt svo ég myndi verða hissa í alvörunni og þess vegna munu áhorfendur sjá mig einlæglega hissa þegar hann kyssir mig í myndinni," sagði Wilde.