Vaxtabótakerfið ekki óþarft!

Samkvæmt ASÍ er vaxtabótakerfið ekki óþarft eins og haldið hefur verið fram. Segir ASÍ að þrátt fyrir að breytingar á húsnæðislánamarkaðinum séu hagstæðar fyrir suma, séu þær það ekki fyrir alla og jafnvel íþyngjandi fyrir marga. En þetta kemur fram á vef ASÍ. Segir ASÍ, það því vera vafasamt að leggjast til atlögu gegn kerfinu án þess að fyrir liggi hvernig eigi að ná fram velferðarmarkmiðum þess með öðrum hætti. Hagdeild ASÍ hefur tekið saman greinargerð um vaxtabótakerfið og á næstu dögum verða birt nokkur dæmi um af hverju vaxtabótakerfið skiptir máli.