Fróaði sér og þuklaði drenginn

Bróðir drengsins sem Michael Jackson er sakaður um að hafa beitt kynferðislegu ofbeldi segist hafa séð söngvarann fróa sér í tvígang á meðan hann þuklaði drenginn sem lá sofandi við hlið hans. Vitnisburður drengsins sem kom fyrir réttinn í gær er talinn mikið áfall fyrir verjendur Michael Jacksons. Drengurinn, sem nú er 14 ára en var 12 ára þegar meint brot áttu sér stað, lýsti því hvernig hann hefði í tvígang komið að Jackson í svefnherbergi bróður síns á heimili Jacksons. Í bæði skiptin hefði Jacksons legið á rúminum og fróað sér með hægri hendi og haft þá vinstri niðri í buxum drengsins, sem þá var 13 ára, og lá sofandi við hlið hans. Drengurinn lýsti því ennfremur hvernig Jackson hefði eitt sinn komið inn í herbergi þar sem bræðurnir sátu og horfðu á sjónvarpið. Söngvarinn hefði verið kviknakinn með lim sinn í fullri reisn og sagt þeim að þetta væri bara eðlilegt. Þá sagði hann að Jackson hefði sýnt þeim og skoðað með þeim klámmyndir, bæði á Netinu og í tímaritum. Hann hefði ennfremur veitt þeim áfengi sem hann kallaði jesúdrykk og hringt dónaleg símtöl eitthvað út í loftið. Hann sagði Jackson oft hafa deilt rúmi með bræðrunum yfir nóttu. Hann sagði bræðurna hafa verið hneykslaða á framferði Jackson en viðurkenndi að hafa ekki greint frá þessum atvikum fyrr en í viðtölum við sérfræðinga í tengslum við ásakanir bróður hans á hendur Michael Jackson. Verjendum Jacksons var oft litið á söngvarann á meðan drengurinn bar vitni en hann sýndi lítil sem engin viðbrögð við vitnisburði hans.