Halldór fundar í Japan

Halldór Ásgrímsson forsætisráðherra átti í dag fund með japönskum þingmönnum í Tókýó þar sem hann hélt erindi um efnahagsmál á Íslandi. Á fundinum ítrekaði forsætisráðherra að lokið yrði við gerð loftferðarsamnings milli ríkjanna og einnig undirstrikaði hann ósk íslenskra stjórnvalda um að gerður yrði tvísköttunarsamningur milli ríkjanna. Forsætisráðherra átti einnig fund með forstjóra Honda bílaverksmiðjanna og stjórnarformanni JT í Japan sem um þessar mundir er að hefja sölu á íslensku vatni í Japan. Á morgun mun svo ráðherra ásamt eiginkonu sinni eiga fund með Japanskeisara.