Atvinnuréttindi útlendinga aukin

Vinnuhópur á vegum Félagsmálaráðuneytisins og Dómsmálaráðuneytisins er að vinna hugmyndir að lagabreytingu, sem miða að því að afnema takmarkanir á atvinnuréttindum útlendinga frá nýju Evrópusambandsríkjunum. Samkvæmt lögunum eiga þessar takmarkanir að gilda til fyrsta maí á næsta ári, en þá á endurskoða þau. Heimilt er að framlengja þær um þrjú ár í viðbót frá þeim tíma, og enn um tvö ár, ef ríkar ástæður þykja til þess. Lönd eins og Bretland og Svíþjóð sáu ekki ástæðu til að nýta sér neina aðlögun, en aftur á móti Finnar og Austurríkismenn, ætla að nýta hana til fulls. Ástæða þess að ráðuneytin eru að íhuga að fella þessar takmarkanir úr gildi er meðal annars þær að hægt er að fara í kring um þær með þjónustusamningum. Atvinnuleysi mælist nú aðeins um tvö prósent, sem í rauninni þýðir að allir vinnufærir menn hafi nú atvinnu, en við þær aðstæður skapast hætta á að umfram eftirspurn eftir vinnuafli, sem aftur getur leitt til óeðlilegs launaskriðs. Ef frumvapr um afnám takmarkannanna verður lagt fyrir Alþingi í haust og samþykkt, geta til dæmis Pólverjar, menn frá öllum Eystrasaltslöndunum, Tékklandi og Ungverjalandi komið hingað að vild til starfa, en auðvitað á þeim kjörum sem hér gilda á vinnumarkaði.