Ófyrirséð vandamál við borun

Bor númer tvö af þremur risaborum á Kárhnjúkasvæðinu hefur upp á síðkastið gengið mun hægar en ráðgert var og hafa ófyrirséð vandamál verið meiri en reiknað var með. Ástæðan er að bergið er mun lausara í sér en reiknað hafði verið með og stöðugt þarf að vera að styrkja það svo að borinn geti haldið áfram. Á meðan á styrkingu stendur er borinn kyrr. Borarnir eru að grafa jarðgöng til að flytja vatn að stöðvarhúsinu. Fyrr í sumar var bor númer þrjú látinn hætta við að klára sinn áfanga af svipuðum ástæðum og er verið að snúa honum við. Hátt í kílómetra haft sem eftir var, verður sprengt með eldri aðferðum, en verkið vinnst hægar á þann hátt. Bor númer eitt gengur hins vegar vel. Þrátt fyrir þessar tafir segja Landsvirkjunarmenn að göngin eigi að geta orðið tilbúin á tilsettum tíma, en nú sé fraið að ganga á þann tíma sem áætlaður var til frágangsvinnu frá því að borun lýkur og þartil vatni verður hleypt á. Það á að gerast upp úr áramótum árið 2007.