Skar undan kærastanum

Fjörutíu og fjögurra ára gamall maður í Alaska þakkar væntanlega læknum þar kærlega fyrir hjálpina en þeim tókst að græða á hann getnaðarliminn eftir að öskuill unnusta mannsins hjó hann af og sturtaði niður í klósettið. Parið mun hafa verið í þann mund að ljúka stormasömu sambandi sínu en ákvað að sofa saman fyrst. Til að lífga upp á leikinn fékk konan að binda hendur mannsins við gluggasyllu en notaði þá tækifærið, náði í hníf og sargaði undan manninum. Starfsmönnum vatnsveitunnar tókst að bjarga limnum úr niðurfallinu og læknar gátu grætt hann aftur á en lofa engu um notagildið.