Vímuefnamarkaðurinn skipulagðari

Þórarinn Tyrfingsson telur eins og lögreglan að tilraun til smygls á brennisteinssýru í vikunni sé merki um að amfetamín sé framleitt hér á landi. Hann segir margt benda til tengsla Íslands við alþjóðlega glæpastarfsemi. Vökulir tollverðir stöðvuðu Litháa fyrir tæpri viku sem reyndist hann vera með brennisteinssýru í innsigluðum áfengisflöskum. Hann er í farbanni og bíður ákæru. Jóhann R. Benediktsson, sýslumaður á Keflavíkurflugvelli, sagði í samtali við Fréttir Stöðvar 2 í gær, að fundurinn væri vísbending um framleiðslu amfetamíns hér á landi. Vímuefnamarkaðurinn virðist vera orðin skipulagðari nú en áður. En hvaða merki telur Þórarinn vera á lofti um tengingu landsins við alþjóðlega glæpastarfsemi. Hann segir að fyrst og fremst það sem lögreglan hefur bent á að erlendir aðilar séu að flytja efnin inn. Einnig eru vísbendingar eins og þær að vímuefnamarkaðurinn er mjög stöðugur því þrátt fyrir stórar haldlagningar virðist vera nóg framboð.