Hrottaleg líkamsárás

Átján ára piltur liggur alvarlega slasaður á Landspítalanum eftir hrottalega líkamsárás í Garðabæ í nótt. Áverkarnir gefa til kynna að árásarmennirnir hafi verið með stóran hníf eða sveðju. Fjórir átján ára drengir voru handteknir á staðnum en átökin áttu sér stað utan við samkvæmi í Garðabæ um klukkan hálf fjögur í nótt. Drengirnir hafa áður komið við sögu lögreglunnar í Hafnarfirði. Kristján Ólafur Guðnason, aðstoðaryfirlögregluþjónn, sagði tvær árásir hafa átt sér stað í nótt á tveimur stöðum. Bæði málin séu í rannsókn en fjórir hafa verið handteknir vegna þeirra. Maðurinn sem liggur á gjörgæsludeild er höfuðkúpubrotinn og með mikla áverka á höfði, auk þess sem hann skarst illa á höndum. Að sögn sérfræðings á gjörgæsludeild er líðan mannsins eftir atvikum. Hinn maðurinn er minna meiddur. Ekki er vitað nákvæmlega hvernig vopn var notað en lögreglan staðfestir þó að um eggvopn hafi verið að ræða. Verið er að yfirheyra árásarmennina