Hans Markús hjá ráðherra

Séra Hans Markús Hafsteinsson, sóknarprestur í Garðabæ, fundaði í gær með Birni Bjarnasyni, dóms- og kirkjumálaráðherra, vegna þeirra stöðu sem uppi hefur verið í sókn hans. Að sögn Sveins Andra Sveinssonar, lögmanns Hans, var um óformlegan fund að ræða enda vildi Björn heyra frá fyrstu hendi hvernig staðan væri en sem kunnugt er vill meirihluti sóknarnefndar Hans Markús á braut enda hafi kvartanir borist vegna starfa hans. Þar að auki hafa bæði úrskurðunar- og áfrýjunarnefnd Þjóðkirkjunnar staðfest að Hans skuli færa til í starfi en hann situr sem fastast.