Engar upplýsingar

Umboðsmaður Alþingis telur Ríkisútvarpið skorta lagaheimildir til þess að vinna efni sérstaklega fyrir vef stofnunarinnar og birta þar auglýsingar, að því er fram kom í fréttum Sjónvarpsins í gær. Umboðsmaður gerir hins vegar ekki athugasemdir við að efni sem sent er út í útvarpi og sjónvarpi sé birt á vefnum né að þar séu almennar upplýsingar um starfsemina, sagði í fréttinni. Haft er eftir Markúsi Erni Antonssyni útvarpsstjóra að hætt verði að birta auglýsingar á vefnum en hann vill að annað haldist óbreytt. Að sögn hans verður haft samband við menntamálaráðuneytið vegna málsins.