Fyrir ofan meðalhita í 28 mánuði

Meðalhitinn í Reykjavík hefur nú mælst fyrir ofan meðallag í 28 mánuði í röð samkvæmt tilkynningu frá Veðurstofunni. Meðalhitinn í höfuðborginni í júlímánuði mældist 11,5 stig, sem er 0,9 stigum hærri en í meðalári. Á Akureyri mældist meðalhitinn 12,6 stig, sem er 2,1 stigi hærri en í meðalári og þarf að fara aftur til ársins 1997 til að finna hlýrri júlímánuð á Akureyri. Á Hveravöllum mældist meðalhitinn 8,6 stig og 11,2 stig í Akurnesi. Annars var hlýtt um allt land í júlímánuði að því er segir í tilkynningunni. Sólskinsstundir í Reykjavík mældust 203 í mánuðinum sem er 32 stundum yfir meðallagi. Á Akureyri voru mældar 213 sólskinsstundir sem eru 55 stundum fleiri en í meðalári. Úrkoma í Reykjavík var 56,4 mm sem er heldur meira en í meðal ári. Á Akureyri mældist úrkoman 22,7 mm sem er 65% af meðaltali mánaðar. Úrkoman í Akurnesi mældist 103,7 mm.