Sonics vann Lakers

Kobe Bryant og Ray Allen leiddu saman hesta sína þegar Seattle Supersonics tók á móti Los Angeles Lakers í NBA-körfuboltanum í fyrrinótt. Lakers er heillum horfið eftir góðan árangur síðustu ára en Sonics er hins vegar á góðri siglingu og þá sérstaklega fyrir tilstillan Allen sem hefur dregið vagninn. Bryant skoraði 35 stig í leiknum en það dugði ekki til því heimamenn unnu öruggan sigur, 108-93. Rashard Lewis, leikmaður Sonics, var stigahæstur maður leiksins með 37 stig. "Þeir lögðu svo mikla áherslu á að stoppa Ray að við nutum góðs af því og fengum mikið af opnum skotum," sagði Lewis. Sonics hefur aðeins tapað fjórum leikjum til þessa en Lakers átta.