The Aviator með 6 tilnefningar

Bandaríska kvikmyndin The Aviator, sem fjallar um flughetjuna Howard Hughes og skartar stórstjörnum á borð við Lenardo di Caprio og Jude Law, er meðal þeirra mynda sem hljóta flestar tilnefningar til Golden Globe verðlaunanna en tilkynnt var um tilnefningarnar í dag. Það eru samtök erlendra fjölmiðla í Hollywood sem standa að verðlaununum en þau verða veitt 16. janúar næstkomandi og þykja yfirleitt vísbending um það hverjir kunni að hljóta Óskarsverðlaunin. Flestar tilnefningar hlaut gamanmyndin Sideways, eða sjö talsins, og þar á eftir kom The Aviator með sex. Þær myndir sem tilnefndar eru sem besta dramatíska myndin, auk The Aviator,  eru Million Dollar Baby, Finding Neverland, Closer og Hotel Ruanda en öllum þessum myndum hefur verið spáð góðu gengi á Óskarsverðlaunahátíðinni á næsta ári. Meðal kvikmynda sem eru tilnefndar til Golden Globe í flokki gamanmynda er myndin Eternal Sunshine of the Spotless Mind þar sem Jim Carrey og Kate Winslet eru í aðalhlutverkum.