Síðasti þáttur 32 liða úrslita Idol stjörnuleitar

32 manna úrslitum í Idol stjörnuleit lýkur annað kvöld. Nú eru 6 stúlkur búnar að tryggja sér þátttökurétt í úrslitaþáttum Idol Stjörnuleitar 2.  Síðastliðinn föstudag komust þær Ylfa Lind Gylfadóttir og Hildur Vala Einarsdóttir áfram í mjög spennandi þætti.  Einir Guðlaugsson var ekki langt frá því að tryggja sér sæti í 10 manna úrslitum, hann varð í þriðja sæti , með einungis 1% færri atkvæði en Hildur Vala. Á morgun, föstudaginn 10. desember, er svo komið að síðasta þættinum í 32 liða úrslitunum. Óhætt er að segja að pressan sé á strákunum úr þeim hópi að standa sig.  Fyrstur stígur á svið Helgi Þór Arason, 18 ára piltur frá Ísafirði, hann ætlar að taka lagið "American Pie" með "Don McLean".  Eva Natalja Róbertsdóttir, 24 ára Vestmannaeyjamær kemur næst, en margir muna eftir henni úr síðustu Idol stjörnuleit. Hún tekur lagið "Thank You" með "Led Zeppelin". Þá kemur Svava Jónsdóttir, 25 ára gömul stúlka úr Hafnarfirðinum en hún ætlar að syngja "You don´t have to say you love me" með "Dusty Springfield".  Sigurbjörg Tinna Gunnarsdóttir er 21 árs stúlka úr höfuðborginni og tekur að sjálfsögðu "Ó Borg, mín Borg" með "Hauki Morthens". Fimmti í röðinni er svo 22 ára Hafnfirðingur að nafni Logi Júlíusson og ætlar hann að taka "Ain´t no sunshine" með "Bill Withers".  Ester Ágústa Guðmundsdóttir er 21 árs gömul úr Kópavogi, en hún ætlar að taka "Don´t Cry out load með "Diana De Garmo". Elísabet Ólafsdóttir er 25 ára gömul borgarstúlka, en hún ætlar að syngja "Lean on me".  Síðust í röðinni og jafnframst síðasti keppandinn í 32 liða úrslitunum er Aðalheiður Ólafsdóttir, 23 ára gömul Kópavogsmær, en hún ætlar að taka lagið "Dimmar Rósir". Fjórði og síðasti hluti 32 manna úrslita IDOL stjörnuleitar hefst á Stöð 2 föstudagskvöldið 26. nóvember klukkan 20:30 Þá er eftir einn svokallaður Wild-card þáttur þar sem átta keppendur fá annað tækifæri til að komast áfram í tíu manna úrslit.Idol-síðan