Fókus býður í bíó

Það er kominn föstudagur og það er kominn Fókus. Að venju er blaðið fremst í flokki fréttaflutnings úr tónlistar-, skemmtana- og bíóheimum. Meðal þess sem fjallað er um er nýr staður í Hafnarstræti, sem býður ótakmarkað magn af bjór fyrir 2000 eða 1000 kall, tælenskan dj sem vann í þrælakistu hjá Reebok en sigrar nú Ísland, hljómsveitina Aminu sem er gift Sigur Rós og loksins að gefa út plötu, nýja Nirvana box-settið er rækilega skoðað og kvikmyndagerðarmaðurinn Haukur M. svarar fyrir svæsna einkunnagjöf 1. apríl á imdb.com. Forsíðuna prýðir Rósa Spotlight Guðmundsdóttir, sem er að setja upp söngleik með Ruth Reginalds í aðalhlutverki. Þá býður Fókus í bíó, að þessu sinni á hryllingsmyndina Seed of Chucky, sem flestir ættu að hafa húmor fyrir. Chucky-fjölskyldan mætt til að myrða Kvikmyndin Seed of Chucky verður frumsýnd í kvöld. Chucky varð ódauðlegur með útkomu Child´s Play-myndanna en nú er hann mættur með alla fjölskylduna með sér. Fókus bíður lesendum sínum í heimsókn til Chucky en í blaðinu má finna miða á myndina. Það mun allir eftir honum Chucky litla úr Child´s Play myndunum. Litla sakleysislega dúkkan er nú mætt aftur á hvíta tjaldið ásamt fjölskyldu sinni og má því fastlega gera ráð fyrir því að einhverjir lítrar af blóði muni fara til spillis. Eplið féll langt frá eikinni Myndin The Seed of Chucky verður frumsýnd í Regnboganum og Smárabíói nú um helgina. Þar fáum við að kynnast Glen sem er sonur hins alræmda Chucky og brúður hans, Tiffany. Þau komast að því að til stendur að búa til kvikmynd um Chucky og halda þau því af stað til Hollywood þar sem Glen tekst að vekja föður sína frá dauðum. Chucky er ekki lengi að detta í sama farið og aftur, þ.e. að drepa hvern sem á vegi hans verður. Glen finnst það ekkert sniðugt og Chucky verður að vonum fyrir vonbrigðum með soninn sem vill ekki feta í fótspor ofbeldisfulls föður síns. Á meðan verður Tiffany lítið hrifin af því að leikkonan Jennifer Tilly eigi að leika sig í væntanlegri kvikmynd og ákveður að gera eitthvað í málunum. Síðan upphefst atburðarráð sem engann veginn er hægt að rekja í stuttu máli en blóð kemur þó talsvert við sögu. Martraðakonungurinn Chucky Það er einmitt Jennifer Tilly sjálf sem fer með eitt aðalhlutverkið í Seed of Chucky en fyrir utan að leika sjálfa sig talar hún fyrir Tiffany. Gestaleikarar í myndinni eru nokkrir og ber helst að nefna rapparann Redman, söngkonuna Hannah Spearritt og kvikmyndargerðamanninn John Waters. Leikstjóri þessarar myndar er maðurinn sem bjó til Chucky á sínum tíma, Don Mancini. Hann samdi handritin af öllum Child´s Play myndunum en þrátt fyrir það er þetta frumraun hans sem leikstjóri. Myndin hefur kannski ekki verið að fá allra bestu dóma í blöðum erlendis en þrátt fyrir það hefur myndin fengið fína aðsókn. Það þarf svo sem ekkert að koma á óvart enda er Chucky fyrir löngu orðinn klassískur karakter innan hryllingsmyndageirans fyrir utan að vera líklega sú dúkka sem hefur valdið hvað flestum martröðum á síðari árum. Seed of Chucky er eins og áður sagði sýnd í Smárabíói og Regnboganum. Fókus, sem fylgir með DV í dag, býður lesendum sínum að fara og tékka á þessum blóðuga brúðuleik. Miðinn er í blaðinu, ásamt fjölda skemmtilegra frétta og almenns gamans.