Sessý & Sjonni á Café Victor

Næstkomandi fimmtudagskvöld, 2. desember, verða Sessý & Sjonni með tónleika á Cafe Victor. Sessý (Sesselja Magnúsdóttir) er söngkona og hefur gert ýmislegt síðustu ár, m.a. sungið í hljómsveit, brúðkaupum og ýmislegt fleira. Flestir sem kannast við hana í dag fylgdust með henni í Idol-Stjörnuleit á Stöð 2 síðastliðinn vetur. Hún komst í úrslit og lenti í 8. sæti.  Sjonni (Sigurjón Alexandersson) er jazzgítarleikari að mennt og starfar sem tónlistarmaður og hljóðfærakennari.  Hann hefur komið víða við og spilað með ýmsum tónlistarmönnum í gegn um tíðina, bæði rokk/popp tónlist sem og jazz tónlist. Tónleikarnir hefjast stundvíslega klukkan 22:30 annað kvöld og verða í rúmlega tvo tíma með stuttu hléi. Sama þægilega stemningin sem Sessý & Sjonni bjóða almennt uppá verður við lýði þetta kvöld nema á þessum tónleikum má einnig búast við einhverjum jólalögum inná milli til að koma fólkinu í rétta jólaskapið. Frítt inn! Sessý & Sjonni verða aftur á Cafe Victor fimmtudagskvöldin 9. og 16. des.   Sessý - heimasíða: www.sessy.net