Mannakornshelgi á Kringlukránni

Það verður sannkölluð tónlistarveisla, sem Kringlukráin býður gestum til nú um helgina. Þá verður gestum staðarins boðið upp á svokallaða Mannakornshelgi bæði föstudags- og laugardagskvöld. Eins og kunnugt er, eru Mannakorn skipuð hinum ástsælu tónlistarmönnum Magnúsi Eiríkssyni og Pálma Gunnarssyni.  Frá þeim hafa komið gegnum árin margar af fallegustu perlum íslenskrar dægurlagasögu. Nú í sumar kom síðan frá þeim hreint frábær plata Betra en best með 14 nýjum lögum og undirstrikar hún klassa sveitarinnar. Þar má finna lög eins og María, Eina nótt og Engin eins og þú sem öll hafa ómað á öldum ljósvakans.