Orð Guðna breyta litlu

Pylsusala virðist ekki hafa tekið neinn sérstakan kipp þrátt fyrir hvatningu landbúnaðarráðherra á dögunum til íslenskrar æsku þess efnis að borða fleiri pylsur. Pylsusölum sem Fréttablaðið ræddi við ber saman um að salan sé sú sama eftir yfirlýsingu ráðherrans. Ragnheiður Magnúsdóttir í Pylsuvagninum á Selfossi sagði að pylsur seldust alltaf mjög vel og gat ekki merkt aukningu. Sagði hún tómat, sinnep og steiktan lauk vinsælasta meðlætið og einnig væri talsvert beðið um eina með öllu.