Jólabjór Egils og Tuborg með hestvagni til borgarinnar

Fyrsti jólabjórinn frá Egils og Tuborg kemur í veitingahúsin í miðbænum í Reykjavík á morgun. Jólabjórvagn Ölgerðarinnar sem dreginn er af tveimur hestum mun hefja för sína niður Laugaveginn klukkan 18 á morgun og förin endar á áttunda tímanum á Cafe París. Vertar veitingahúsanna taka á móti bjórnum með viðhöfn á hverjum stað. Þrjár tegundir jólabjórs verða á boðstólum þessi jól;  Egils jólabjór, Egils Malt jólabjór og Tuborg Julebryg. Það þarf því enginn bjóráhugamaður að fara í jólaköttinn þessi jól. Þegar forfeður okkar fögnuðu jólahátíðinni töluðu þeir um að “drekka jól” eins og kemur fram í Flateyjarbók. Hóflega drukkinn jólabjór er auðvitað ómissandi hluti af því enda er vandað sérstaklega til jólabjórsins og ekkert til sparað svo hann megi verða sem hátíðlegastur. Vínbúðir ÁTVR hefja sölu á jólabjór Egils og Tuborg á morgun.