Kemst jólabjórinn suður?

Það vekur ávallt eftirtekt þegar fyrsti Víking jólabjórinn kemur að norðan. Víking jólabjórinn er bruggaður á Akureyri og er koma hans suður yfir heiðar  er eitt af fyrstu merkjunum um það að jólin eru á næsta leyti. Í fyrra flaug Kristján Þór Júlíusson, bæjarstjóri Akureyrar, með fyrsta bjórinn suður en í ár verður Viking jólabjórinn ferjaður landleiðina. Fyrstu kassarnir verða fluttir með ofurjeppum suður Kjöl fimmtudaginn 18. nóvember. Vegna veðurs getur verið tvísýnt um að takmarkið náist. Ef allt fer að óskum munu sunnanmenn taka við fyrstu kössunum við Bláfellsás og stjórna flutningi hans til höfuðborgarsvæðisins. Áætlað er að komið verði með jólabjórinn til Reykjavíkur á sjötta tímanum á morgun, fimmtudag og verður efnt til móttökuathafnar á Thorvaldsen við Austurvöll.