Fyrsti sigur Houston

Houston Rockets unnu sinn fyrsta sigur á tímabilinu í NBA-deildinni í nótt er liðið sigraði Memphis Grizzlies 89-81. Tracy McGrady, stigakóngur deildarinnar undanfarin tvö tímabil sem gekk til liðs við Houston í sumar, skoraði 30 stig og átti níu stoðsendingar. Spánverjinn Pau Gasol var stigahæstur í liði Memphis með 21 stig. Meistarar Detroit Pistons máttu þola sitt fyrsta tap í háa herrans tíð þegar þeir sóttu liðsmenn Toronto Raptors heim og töpuðu 89-101. Loren Woods var með 17 stig og 14 fráköst fyrir heimamenn en tvíeykið Chauncey Billups og Richard Hamilton voru stigahæstir í liði Pistons með 24 stig hvor. Detroit var án þjálfara síns, Larry Brown, í leiknum en kappinn er nýkominn úr uppskurði og verður klár eftir tíu daga. Kobe Bryant og félagar i L.A. Lakers máttu þola sinn annan ósigur í röð þegar þeir töpuðu fyrir San Antonio Spurs á heimavelli, 105-96. Tim Duncan átti stórleik, með 26 stig og 16 fráköst, fyrir gestina í San Antonio. Bryant var með 28 stig fyrir Lakers og Lamar Odom 24 en að auki tók sá síðarnefndi 11 fráköst. Úrslit í leikjum næturinnarPhiladelphia 76ers - Phoenix Suns Iverson 25, Green 16, Thomas 13 (10 frák.) - Stoudamire 29, Marion 24, Johnson 22 Toronto Raptors - Detroit Pistons 101-89 Woods 17 (14 frák.), Bosh 18, Carter 12 - Hamilton 24, Billups 24 Boston Celtics - Indiana Pacers 94-100 Davis 22, Blount 18 - Artest 28, O´Neal 19 Memphis Grizzlies - Houston Rockets 81-89 Gasol 21, Wells 15, Williams 11 - McGrady 30 (9 stoðs.), Jackson 14, Howard 11 New Orleans Hornets - Orlando Magic 89-90 Davis 36, Wesley 13, Magloire 13 - Turkoglo 21, Francis 19, Mobley 13 Chicago Bulls - New Jersey Nets 111-106 (framl.) Jefferson 26 (21 frák.), Mourning 17 - Hinrich 34, Deng 18 (10 frák.) Portland Trail Blazers - L.A. Clippers  81-94 Abdur-Rahim 22, Randolph 14 (14 frák.), Ratliff 9 varin skot - Wilcox 27 (10 frák.), Brand 17, Maggette 12 Golden State Warriors - Utah Jazz 80-102 Fisher 17, Dunleavy 16, Richardson 13 - McLeod 15 (10 stoðs.), Boozer 16 (9 frák.), Kirilenko 14 Seattle Supersonics - Atlanta Hawks  85-106 Allen 25, Lewis 23 (5 varin skot), Daniels 12 - Walker 24 (8 frák.), Harrington 14, Anderson 10. L.A. Lakers - San Antonio Spurs 96-105 Bryant 28, Odom 24 (11 frák.) - Duncan 26 (16 frák.), Ginobili 18, Parker 16.