Vísitalan hríðlækkar

Verð á hlutabréfum í Kauphöll Íslands lækkaði verulega í dag, annan daginn í röð. Úrvalsvísitalan hefur lækkað um rúm sjö prósent á tveimur dögum. Þegar litið er á þróun úrvalsvísitölunnar, sem mælir verðþróun helstu fyrirtækja á íslenskum hlutabréfamarkaði, síðustu tólf mánuði, sést að hún hækkaði verulega allt þar til fyrir um tveimur vikum. Sérfræðingar hafa að undanförnu verið að lýsa þeim sjónarmiðum að hlutabréf væru orðin of hátt verðlögð. Í ljósi þess má því að segja að vrðlækkanir síðustu daga þurfi ekki að koma á óvart. Úrvalsvísitalan endaði í 3550 stigum í dag, eftir 4,2 prósenta lækkun, en var fyrir ári í um 1900 stigum. Samkvæmt upplýsingum greiningardeildar KB-banka hefur Úrvalsvísitalan aðeins einu sinni lækkað jafnmikið innan dags en það var í maí 2001 og þegar hún lækkaði um 4,6%. Þau félög sem mest lækkuðu í dag voru Straumur, um 8,3%, SÍF lækkaði um 7,5%, Jarðboranir um 7,0% Landsbankinn um 6,6% og Bakkavör um 6,2%.