Eftirvænting á Hvammstanga

Íbúar Hvammstanga fögnuðu vel og innilega á dögunum þegar þeim bárust fregnir af þeirri áætlan Símans að miðla Skjá einum til þeirra í gegnum ljósleiðara. "Ég get ekki beðið," segir Hulda Jóhannesdóttir, starfsmaður í Söluskálanum á Hvammstanga, en hún ferðast tugi kílómetra oft í viku til að ná útsendingu stöðvarinnar. Sést hún á bæjum sem eru í beinni sjónlínu við Blönduós. Knattspyrnukapparnir í Kormáki eru samt hvað spenntastir enda vilja þeir ólmir geta fylgst með enska boltanum. Nöguðu þeir sig í handarbökin eftir að hafa misst af þrennu Eiðs Smára á laugardag.