Eldri borgarar afskiptir?

Eru eldri borgarar afskiptir í tannlæknaþjónustu? spyr Tannlæknafélag Íslands en félagið stendur fyrir málþingi um það í dag. Í tilkynningu frá félaginu segir að fjárframlag ríkisins til tannlækninga taki ekki mið af þeirri þróun að eldri borgurum með eigin tennur fjölgi sífellt og töluverður kostnaður fylgi þeirri viðhaldsvinnu sem fyrirsjáanleg sé. Tannlæknar kalla því eftir stefnu hins opinbera í tannheilsumálum eldri borgara og spyrja hvort að takmörkuð fjárframlög hvetji fólk til að láta rífa úr sér tennurnar í stað þess að nýta þá tækni sem er til í dag og bætir tannheilsu þeirra, en er dýrari.