Ný stjórn Skjás eins

Orri Hauksson, framkvæmdarstjóri þróunarsviðs Símans, var kjörinn formaður stjórnar Skjás eins á hluthafafundi félagsins í gær. Orri hefur MBA-gráðu frá Harvard - háskóla og starfaði sem aðstoðarmaður Davíðs Oddssonar, fyrrverandi forsætisráðherra, á árunum 1997 til 2000. Aðrir sem kosnir voru í stjórn Skjás eins eru Gunnar J. Birgisson, Páll Ásgrímsson, Örn Guðmundsson og Sigfús Ingimundarson. Síminn á rúm sextíu prósent hlutafjár í Skjá einum, auk þess sem Íslandsbanki hefur keypt um þrettán prósent í Íslenska sjónvarpsfélaginu í samvinnu við Símann.