Iceland Airwaves

Tónlistarhátíðin Iceland Airwaves stendur nú sem hæst í miðborg Reykjavíkur. Hátíðin hófst með tónleikum á NASA - þar sem fram komu Geir Harðarson, Þórir og KK. Ennfremur var "Breakz & Electro" klúbbakvöld á Kapital. Þá stigu plötusnúðar á stokk á þremur af fjórum barstöðum hátíðarinnar í ár; Kaffibarnum, Prikinu og Sirkus. Aðal tónleikastaðir Iceland Airwaves í ár eru 6 talsins; Listasafn Reykjavíkur - Hafnarhús, Nasa, Gaukur á Stöng, Grand Rokk, Kapital og Þjóðleikhúskjallarinn. Minni tónleikar og plötusnúðar munu einnig koma fram á hátíðinni á 4 minni barstöðum; Bar 11, Kaffibarnum, Prikinu og Sirkus. Dagskrá Iceland Airwaves í ár er hin glæsilegasta. Eins og á síðustu hátíðum verður fjölbreytnin í fyrirrúmi og boðið verður upp á það helsta sem er að gerast í íslenskri tónlist í dag - ásamt sérvöldum böndum og listamönnum erlendis frá. Alls koma yfir 100 íslenskar hljómsveitir og tónlistarmenn fram á hátíðinni - auk yfir 20 erlendra listamanna. Dagskrá Iceland Airwaves