Heyið ofhitnaði

Allt bendir til að svonefnd íkviknun hafi orðið í heyi í hlöðunni á Knerri. Að sögn Björns Karlssonar brunamálastjóra getur slíkt gerst í massa sem hefur mikið rúmmál en lítið flatarmál og súrefni kemst að. "Þetta getur líka gerst þegar menn bera á viðargólf og henda svo nokkrum olíuvættum tuskum í tunnu. Þá getur orðið efnahvarf þannig að orka myndast og þrengslin koma í veg fyrir að hitinn sleppi út." Björn segir betra að geyma hey í rúlluböggum því þar er hlutfall á milli rúmmáls og flatarmáls minna og kólnun því meiri.