HVersdagslegir hlutir segja margt

Hversdagslegir hlutir á borð við baunadós og ópalpakka geta sagt til um tíðarandann og þankaganginn í samfélaginu. Í Listasafni Reykjavíkur stendur nú yfir Grafísk hönnunarsaga á Íslandi. Sýningin Grafísk hönnun á Íslandi er haldin í tilefni af fimmtíu ára afmæli Félags íslenskra teiknara og er þetta fyrsta heildstæða yfirlitssýning félagsins. Safnað hefur verið saman fróðleik, sem safnarar og fræðimenn og aðrir hafa geymt, þannig að úr verður fróðleg saga, sem varpar áhugaverðu ljósi á þennan þátt íslenskrar menningar. Efisflokkarnir spanna vítt svið, allt frá spegilmynd liðins tíma, til þess nýjasta sem er að finna í grafiskri hönnun. Tilgangurinn með sýningunni er ekki síst sá, að veita almenningi sýn á þann samtíma og það þjóðfélag, sem grafísk hönnun endurspeglar á hverjum tíma. Rykinu hefur verið dustað af neysluvörum gærdagsina og er reynt að vekja athygli á því sem vel er gert í nútímanum.