Of lágar greiðslur til Torfastaða

Rökin fyrir niðurstöðunum eru þau að ljóst sé vegna ítrekaðra yfirlýsinga forsvarsmanna meðferðarheimilisins á Torfastöðum, Drífu Kristjánsdóttur og Ólafs Einarssonar, jafnt í bréfum til ráðuneytisins sem í fjölmiðlum, sé um trúnaðarbrest og viljaskort í samskiptum við Barnaverndarstofu að ræða. Þá bendir ríkisendurskoðun á að geiðsla til Torfastaða hafi verið að meðaltali um 3,4 milljónum krónum lægri á ári en sambærilegra meðferðarstofnanna. Drífa Kristjánsdóttir segir að skýrslan staðfesti það að Torfastaðir hafi fengið of lágar greiðslur. "Ég hef haldið því ítrekað fram. Ég óskaði ekki eftir þessari úttekt en ég tel að hún sýni það sem ég hef sagt, að Bragi Guðbrandsson, forstjóri Barnaverndarstofu, hafi haft til okkar óvild enda staðfestir skýrslan að við höfum ekki fengið jafnmiklar greiðslur og önnur meðferðarheimili," segir Drífa. Aðspurð segist Drífa tilbúin til að ræða endurnýjun samnings ef ráðuneytið óski þess.