Hvatt til funda og viðræðna

Stjórn Kennarasambandsins hefur sent frá sér ályktun, þar sem forsvarsmenn sveitarfélaga og ríkisvaldsins eru hvattir til þess að hætta að benda hvorir á annan og setjast heldur á rökstóla um hvernig fjármagna megi kjarabætur, til þess að binda endi á deiluna. Þá hafa Félag grunnskólakennara og Skólastjórafélagið óskað eftir fundi með sveitarstjórum nokkurra stærstu sveitarfélaga landsins í Kennarahúsinu á miðvikudaginn. Þar er hvatt til þess að sú staða sem upp er komin verði rædd og eins að báðir aðilar skýri sín sjónarmið.