Síðari viðgerðin tókst vel

Neysluvatn er farið að streyma til Vestmannaeyja frá fastalandinu. Fyrsta viðgerð leiðslunnar mistókst þar sem þéttingar leiðslunnar gáfu sig. Þá voru búnar til nýjar þéttingar og er útlit er fyrir að síðari bráðabirgðaviðgerðin hafi tekist vel. Ívar Atlason, tæknifræðingur Hitaveitu Suðurnesja í Vestmannaeyjum, segir stöðuna líta vel út í dag. 1500 tonn af vatni eru komin í birgðatankinn og ekki útlit fyrir að vatnslaust verði í Eyjum á næstunni. Ekki liggur fyrir hvenær hægt verður að ráðast í varanlega viðgerð á vatnsleiðslunni.  Hægt er að hlusta á viðtal við Ívar úr hádegisfréttum Bylgjunnar með því að smella á hlekkinn hér að neðan.