Flugi flýtt vegna fellibylsins

Áætlunarflugi Icelandair frá Orlando á morgun verður flýtt vegna fellibylsins Jeanne sem talinn er geta haft áhrif á flugumferð til og frá Orlando. Samkvæmt áætlun er brottför frá borginni klukkan sjö annað kvöld en fluginu hefur verið til klukkan tíu í fyrramálið að staðartíma, eða klukkan 14 að íslenskum tíma. Um 140 farþegar eru bókaðir á flugið og þar af eru um 40 Íslendingar. Icelandair reynir að koma upplýsingum um þessa breytingu til farþeganna, en vegna þess hve stuttur tími er til brottfarar á morgun eru aðstandendur sem eiga von á fólki heim frá Orlando á morgun hvattir til að láta þá einnig vita, hafi þeir tök á.