Skemmdir á leiðslum alvarlegar

Í ljós hefur komið að skemmdir á leiðslunum tveimur sem flytja ferskt vatn til Vestmannaeyja eru alvarlegar og mun taka nokkurn tíma að gera við þær að fullu. Þær fóru í sundur þegar verið var að grafa fyrir dýpkun hafnarinnar. "Við náðum að hreinsa af annarri leiðslunni og skemmdi kaflinn var sagaður burt," sagði Ívar Atlason tæknimaður hjá Hitaveitu Suðurnesja. Til stóð að kafarar færu með nýjan bút niður í gærkvöldi og kæmu honum fyrir til bráðabrigða. Ívar segir skemmdirnar alvarlegar. Næst verður gert við hina leiðsluna til bráðabirgða. Flóknara verður síðan að gera við leiðslunar endanlega. "Til þess þurfum við að ráðfæra okkur við danska tæknimenn," segir Ívar.