Níu af hverjum tíu í orlof

Nýbakaðir feður eru duglegir við að nýta sér lögbundinn rétt sinn til fæðingrorlofs og er svo komi að níu af hverjum tíu nýta þann rétt. Reyndar sýna tölur að rúm 84 prósent feðra fara í fæðingarorlof en í þeirri samantekt er ekki gert ráð fyrir tilvikum þar sem faðirinn býr ekki með móður og barni og kemur ekki að uppeldinu með nokkrum hætti. Feðurnir taka æ lengra orlof og á síðasta ári voru þeir heima með hvítvoðungnum í þrjá mánuði að meðaltali. Fyrir þremur árum voru þeir að jafnaði heima í mánuð. Á sama tíma hefur orlof mæðranna styst um fjóra daga og er að jafnaði sléttir sex mánuðir. Ráðherranefnd á sviði jafnréttismála hefur veitt styrk til verkefnis sem ætlað er að varpa ljósi á þróun löggjafar á sviði norrænnar reynslu af foreldraorlofi og áhrif þess á jafnrétti kynjanna. Styrkurinn nemur rúmum sjö milljónum króna en Ingólfur V. Gíslason félagsfræðingur hefur umsjón með verkefninu.