Sjómenn halda öryggisviku

Öryggisvika sjómanna hófst í gær, en hún er haldin í tengslum við alþjóða siglingadaginn sem verður haldinn hátíðlegur á morgun. Í öryggisvikunni verður lögð áhersla á forvarnir í skipum og verður boðið upp á ýmsa dagskrá. Hæst ber ráðstefnu um öryggismál sjómanna, sem verður haldin föstudaginn 1.október í hátíðarsal Sjómannaskólans í Reykjavík. Á morgun, í tilefni alþjóða siglingadagsins, verða hátíðarhöld á Miðbakkanum í Reykjavík frá kl. 13 til 16. Verður þar meðal annars flotgallasundkeppni milli starfsmanna Landhelgisgæslunnar og Slysavarnarfélagsins Landsbjargar.