Þeir ríku verða ríkari

Þeir ríku verða sífellt ríkari miðað við lista tímaritsins Forbes um fjögur hundruð ríkustu Bandaríkjamennina. Þrjú hundruð og þrettán þeirra eru milljarðamæringar í dollurum talið. Það er töluverð aukning frá því í fyrra þegar milljarðamæringarnir voru tvö hundruð sextíu og tveir. Samanlagt er ríka fólkið á listanum meira en billjónar virði og ríkastur allra er enn og aftur Bill Gates. Yngsti milljarðarmæringurinn er aðeins þrjátíu og eins árs en það er Larry Page, annar stofnenda leitarvélarinnar Google. Fimmtíu og ein kona er á listanum yfir fjögur hundruð ríkustu Bandaríkjamennina.