Nýr krani í Sundahöfn

Jarl annar hefur störf í Sundahöfn eftir helgi en þessi arftaki Jarls hins fyrsta er hátt í sextíu metra hár hafnarkrani með hundrað og tíu tonna lyftigetu. Jarl annar er stærsti hafnarkrani landsins. Hann er þýsk smíði og kostaði rúmar 200 milljónir króna. Það voru ánægðir starfsmenn Eimskips sem tóku á móti nýja krananum í gær en vandasamt er að koma þrjú hundruð og sjötíu tonna tæki frá borði svo vel megi fara. Það tókst og búast Eimskipsmenn til að auka nú afköst og bæta þjónustu.