Tæknival sýknað

Hæstiréttur sýknaði í dag Tæknival af bótakröfum Bjarna Ákasonar fyrrverandi framkvæmdastjóra félagsins. Bjarni hafði látið viðskiptabanka fyrirtækisins fá hutabréf sín í fyrirtækinu að veði fyrir láni fyrirtækisins og vildi hann fá þóknun fyrir. Héraðsdómur Reykjavíkur dæmdi í febrúar Tæknival til að greiða Bjarna 28 milljónir króna í þóknun, en Hæstiréttur sneri þeim dómi við nú áðan og sýknaði fyrirtækið. Hæstiréttur taldi að ekki hafi verið kominn á samningur milli aðila og sýknaði því Tæknival.